Skíðasvæðið í Stafdal

Möguleikarnir eru endalausir í Stafdal og er svæðið eitt besta skíða- og brettasvæði á landinu. Einungis 10 mínútna akstur er frá Seyðisfirði í Stafdal og um 15 mínútna akstur er frá Egilsstöðum.

Á skíðasvæðinu í Stafdal eru tvær diskalyftur og skíðabrekkur við allra hæfi, fyrir lengra komna sem og styttra. Barnalyfta er einnig á svæðinu. Skíðabrekkur við neðri diskalyftu eru flóðlýstar. Hægt er að kaupa léttar veitingar um helgar í skíðaskálanum og skíðaleiga er einnig starfrækt þar.

Troðnar brautir eru fyrir gönguskíði þegar færi gefst.
Í Stafdal eru vélsleðamenn velkomnir og liggja leiðir þaðan til allra átta og á góðum degi tilvalið að skoða nærliggjandi firði. Snjósleðaiðkendur eru beðnir um að halda sig frá öllum troðnum brautum og öðrum þeim brekkum sem skíðað er í.

Seyðisfjarðarkaupstaður og Fljótsdalshérað hafa samstarf um rekstur skíðasvæðis í Stafdal, sem liggur á milli Efri-stafs og Neðri-stafs í Fjarðarheiði.

Starfrækt desember til maí. Opið daglega ef nægur er snjór og veður leyfir.

Deila

Aftur í afþreying